Wednesday, November 08, 2006

Их Хуралдай

Өчигдөр Оллоо.мн дээрээс Бүх Ард Түмний Их Хуралдай гэж зүйл болж байгаа талаар олж мэдлээ. Талбай дээр ядарсан хэдэн хөгшчүүлийг цуглуулсан байгаа бололтой. Бас нэг хөгшины бие муудсан бичлэг байна. Хүмүүсийн амнаас цаг нь болсон байна гэсэн үг гарч байх юм. юуны цаг яагаад ирчихсэн юм болоо.
Бас засгийн газрыг солих л бололтой. Монголд ингэж олон засгийн газар солигдоод дээрдэж байгаа юм байна уу. Бид одоогийн засгийн газрыг солилоо гээд асуудалыг бүрэн шийдэж чадах уу. энэ үнэхээр сонирхолтой асуудал шүү.

Би олон хүмүүсийн амнаас "Энэ луйварчидыг бүгдийг нь баримчилж хорих хэрэгтэй" гэсэн үгийг сонсож байна. Бүр зарим бүр бүгдийг нь буудах хэрэгтэй ч гэх юм. Би бусдын адил тэдний луйвар, авилгалын мэдээг сонсож л байна. Тэднийг болих болов уу гэж найддаг, тэднийг болиулахыг улс орноо бусадын адил байхыг хүсдэг. Гэхдээ бид бас нэг юмыг мартаад байгаа юм шиг санагдах юм. Энэ луйварчин, авилгалч нар төрөлхийн луйвахчин, авилгалч биш байхаа гэж би боддог. санаа нь эд нарыг ийм байдалд оруулж байгаа нь энэ нийгэм маань юм болов уу гэж бодож байна. Энэ бол миний л болод. Энэ санаа маань энэ хүмүүсийн оронд дараагийн удаа гарч ирэх хүмүүс маань улс эх орны төлөө бие сэтгэлээ зориулан ажиллаж чадах болов уу. Магадгүй хэдэн жилийн дараа бид дахиад л авилгалын дайнд морьдох хэрэг гарах бий гэж имээх юм.

Бид энэ нийгэмийн дотоод зөрчилдөөнөөр улс орноо аварч чадахгүй байх гэж бодож байна. Үүний тулд бид нийгэмийг тайван байлгаж, ард иргэдийн дунд замбараагүй явдалыг гаргахгүй байх нь дээр юм шиг санагдах юм. Мөн өөрийн толгой дээрхи бухалыг харахгүй байж хүний толгой дээрхи өвсыг харав гэдэг билүү. Хүнийг авилгалчаар цоллохын өмнө өөрсдөө авилгал өгөхгүй байвал ямар вэ гэж бодох юм.

Би ямар нэг хүнийг өмөөрч ямар нэг хүнийг буруутгахыг хүссэнгүй. Харин бид өөрсдийн алдаа дутагдалыг түрүүлж харвал ямар вэ гэдэг утгаар үүнийг бичлээ.

Сайн сайхан бүхэн дэлгэрэх болтугай.

Monday, November 06, 2006

...бодрол...

Блог нээгээд нилээд удсан байна. Гэтэл ямар нэг юм бичсэнгүй. Блогоо нээгээд эхлэх гэхэд нэг бичиглэл маань болохгүй юм. Бусад хүмүүсийн блог нэг л өөр уншихад сайхан байх юм. :D

Өнөөдөр Дөлөөгийн блог дээрээс нэгэн Хуурын Эгшгэн дэхь Эх Орон хэмээх нэгэн блогийг олж уншилаа. та бүхэн ч гэсэн ороод уншаарай. Эх орон минь нүдэнд харагдах шиг сайхан бичлэг байна.

Өдөр болгон мэдээллийн сайтуудаас Монголын талаар бараан мэдээлэл унших юм. хааяа ч гэсэн иймэрхүү сэтгэл сэргэм зураглал байж болдоггүй юм байхдаа. Монголын сэтгүүлчид улс төрийн хэрүүлийг сайн бичсэн нь сайн сэтгүүлч болдог гэж бодсон уу эсвэл Монголд зөвхөн улс төрийн чиглэлээр сэтгүүлчид ажилдаг болчихсон уу гэж бодохоор байна гэдэгтэй маань та бүхэн санал нийлэх байхаа гэж бодож байна.

Өглөө эртлэн босож ажилаасаа хоцорчихгүй тулд цайгаа уусан болоод явна. Автобус дүүрэн хүнтэй, микро ч ялгаагүй суугаад л явна. Яг үнэндээ манай автобус, унаанууд нилээд их бухимдал төрүүлэхээр шүү. наашаа ... цаашааа ... 100 төгрөг ш дээ ... өчигдөр УИХ-н хуралдаан үзэв үү... Нөгөө Энхбаяр чинь их авилгалч гэнэ...
Нэг иймэрхүү яриа л сонсох юм. ажил дээрээ орж ирээд сонин дэлгээд хархад бас л нөгөө хөдөлгөөнийхөн, бас нөгөө талбай дээр жагсаж байна. Бас нэг хадгаламж зээлийн хоршооны хохирогчид...

Яг одоо японы зурагтаар нэвтрүүлэг үзэж сууна. энд телевизээр гарах нэвтрүүлэгийн цагийн ихэнх хэсгийг хөгжөөнт нэвтрүүлэг эзлэх юм. Өдөржингөө ажиллаж ядарсан хүн гэртээ ирээд зурагтаар гарах хөгжөөнт нэвтрүүлэг үзээд суухад сайхан амралт болохоор байдаг юм байна. Харин одоо бид Монголд гэртээ орой ирээд зурагтаа асаахад ямар юм угтаж байгааг бодохоор асаахаас дургуй хүрэх юм. Улсын Их Хурлын хуралдаан эсвэл нэг солонгосын цуврал ... нэг иймэрхүү байдал давамгайлдаг.

Монголд мэдээ гэдэг зүйлийг хүмүүст хүргэх бол маш сайн хийгдэж байгаа юм байна. Жилийн өмнө Фэнгшүй Ганбаатарын лекцэнд сууж байдах сонссон зүйл маань санаанд бууж байна. PR гэж зүйлийн талаар яриж байсан санагдаж байна. Одоо энэ Монголын маань сонин сэтгүүл, телевиз радио яг л иймэрхүү байдалтай ажиллаж байгаа юм шиг санагдах юм. Үнэхээр тэр засгийн газар ажиллаж чадахгүй байгаа юм болов уу? эсвэл ажиллаж чадахгүй байгаа юм шиг бидэнд харагдах нь хэн нэгэнд хэрэгтэй юм болов уу?

Сонин сэтгүүлүүд, мэдээллийн сайтууд энэ олон саар мэдээнүүдийг бичдэг шигээ сайн сайхан, бүтээж хийсэн мэдээг ч гэсэн ингэж түлхүү мэдээлдэг байвал сайхан юмдаа.

Үүнийг уншигч та энэ олон учир нь олдохгүй олон өгүүлбэрийн цуглуулага учир утгагүй юм гэж бодож магадгүй. Энэ бол яг энэ блогийг бичиж байх үед миний толойд байгаа түмэн бодролын нэг хэсэг нь байлаа.

Блог нээсэнээс хойш арай гэж нэг блог бичлээ. хихи. агуулаг муу, ядуу санаатай болсон мэт санагдаж байна. дараагийн удаа хурц хурц блог бичнэ гэж бодож байна. :D

Tuesday, October 10, 2006

Анхны ...

Сайн байцгаана уу?

Та бүхэнд өөрийн тухай танилцуулахаас өмнө миний энэ блогт зочилсан явдалд гүнээ талархаж байна. Би урьд нь блог гэдэг зүйлийн талаар олонтоо сонсож байсан боловч блог бичих нь битгий хэл олж уншиж байсан нь ховор билээ. Энэ өдөр санаадгүй энд байгаа блогуудаар зочилж олон чадварлаг бичигч нарын блогийг уншиж үзсэн явдал маань надад таалагдсан бөгөөд бусадтай үзсэн харсан, өөрийн үзэл бодлоо хуваалцах нэг хэлбэр юм гэж ойлголоо. Иймд би бусадтай адилаар үүнийг оролдож үзэх хүсэл төрж өөрийн блогийг нээгээдэхлээ. (хэ хэ)

Энэ миний анхны оролдлого бөгөөд урьд ийм зүйл бичиж яваагүй тул үг үсгийн болон найруулагийн алдаа их гаргах байхаа гэж бодож байна. Алдаа гаргах бүрд минь туршлага муу эхлэн бичигч гэдгийг минь ойлгож алдааг минь засч дэмжиж байхыг та бүгдээс хүсэж байна. Та бүгдийн цаг заваа зориулж надад хандсан шүүмжлэл, зөвөлгөөг дуртайгаар хүлээн авч өөрийн алдааг засч сайн бичигч болохын тулд хичээх болно. Мөн бас та бүгдийн блогоор зочилж та бүгдийн туршлагаас суралцах болно.

Та бүгдийн ажил хөдөлмөр, амьдрал үргэлж дэвжин дээшлэж байхийг хүсэн ерөөе.
Сайн үйлс бүхэн дэлгэрэх болтугай.